საქინფორმი „ასავალ-დასავალს“ 23 წლისთავს ულოცავს!
საქართველო, 4 მარტი, საქინფორმი. 1992 წლის 3 მარტს ცნობილმა ქართველმა პოეტმა ლაშა ნადარეიშვილმა დააფუძნა გაზეთი „ასავალ-დასავალი“. დღეს ის უკვე საგამომცემლო სახლი „ასავალ-დასავალია“, რომელსაც უწინდებურად საქართველოს ყველაზე პოპულარული გაზეთის დამფუძნებელი და უცვლელი მთავარი რედაქტორი ლაშა ნადარეიშვილი ხელმძღვანელობს.
დამოუკიდებელმა და ზეპარტიულმა „ასავალ-დასავალმა“ დამსახურებულად მოიპოვა ქართველი ხალხის სიყვარული და ქართული პრესის ფლაგმანად იქცა, რადგან 23 წლის განმავლობაში საქართველოს უახლესი ისტორიის ცოცხალი მემატიანე და სარკე იყო! საქართველოს მტრების მტერი „ასავალ-დასავალი“ მიხეილ სააკაშვილისა და მისი ხროვის მარადიულ კოშმარად იქცა, თუმცა, სარკე დამნაშავე არ არის მათ სიგონჯეში…
საქინფორმი ულოცავს თავის საინფორმაციო პარტნიორ – „ასავალ-დასავალს“ 23 წლისთავს, ულოცავს გაზეთის რედაქციის კოლეგა-ჟურნალისტებსა და მის უნიჭიერეს ხელმძღვანელ ლაშა ნადარეიშვილს!
მრავალჟამიერ, მეგობარ-თანამოაზრეებო!
 |