„ჩერგო“ ბოკერიამ გრანტი მიიღო და სათავეში ჩაუდგება ანტირუსული პროპაგანდის ახალ ტალღას საქართველოში! – ანტირუსული პროპაგანდის ქრონოლოგია საქართველოში 2015 წლის მაისიდან
1. ყველაფერი დაიწყო NDI-ს გამოკითხვიდან, რომელიც მოწმობს, რომ საქართველოში მკვეთრად გაიზარდა ევრაზიულ კავშირში საქართველოს შესვლის მომხრეთა რიცხვი. რის შემდეგაც დასავლეთში განგაში ატეხეს და საქართველოსკენ გრანტების ნაკადი დაიძრა. საგრანტო ხაზი გაუხსნეს, როგორც ყოველთვის, ცნობილ არასამთავრობო ორგანიზაციებსა და მედიას, რომლებიც ეკუთვნის ანდა კონტროლდება საქართველოს ექსპრეზიდენტი მიხეილ სააკაშვილისა და მისი მომხრეების მიერ.
წაიკითხეთ:
2. შემდეგ ამას მოჰყვა საქართველოსა და აშშ-ის მაღალჩინოსნების განცხადებები (აშშ-ის ვიცე-პეზიდენტი ჯო ბაიდენის, საქართველოს თავდაცვის მინისტრი ირაკლი ალასანიასი, პრეზიდენტი მარგველაშვილისა და სხვ.)„რუსული რბილი ძალის“ და „საქართველოში პრორუსული პროპაგანდის“ არსებობის შესახებ, „რომელბთან ბრძოლაა საჭირო“.
წაიკითხეთ:
3. ერთი კვირის შემდეგ საინფორმაციო სააგენტო „ექსპრესნიუსმა“ განაცხადა, რომ „საქინფორმმა“ და „საქართველო და მსოფლიომ“ 2015 წლის თებერვლიდან 25 მაისამდე რუსეთიდან 5 მილიონი დოლარი მიიღეს პრორუსული პროპაგანდისათვის
წაიკითხეთ:
4. საქინფორმის მთავარმა რედაქტორმა საქართველოს პრემიერ-მინისტრისადმი ღია წერილში დაწვრილებით ჩამოთვალა მთავარი რუსოფობური მედია და არასამტავრობო ორგანიზაციები, რომლებიც საქართველოში ანტისახელმწიფოებრივ და ძირგამომთხრელ საქმიანობას ეწევიან და მოიყვანა კონკრეტული ფაქტები – პუბლიკაციები, ე. წ. კვლევევბი, პრესკონფერენციები, ტელეგამოსვლები მოწოდებებით „გააუვნებლონ საქართველოს სახიფათო მტრები, პრორუსული, მაშასადამე – ანტიდასავლური პროპაგანდის გამტარებლები“.
წაიკითხეთ:
არნო ხიდირბეგიშვილი: „წითელი და შავი“ („Le Rouge et le Noir“)
5. საქართველოს თავდაცვის მინისტრი თინა ხიდაშელისა და მედიაჰოლდინგი „ტაბულას“ მთავარი რედაქტორი თამარ ჩერგოლეიშვილის განცხადება „კრემლის რბილი ძალის“ წინააღმდეგ ბრძოლის შესახებ.
წაიკითხეთ:
 |
და აი გუშინ, უშიშროების საბჭოს ექსმდივნისა და პარტია „ნაციონალური მოძრაობის“ მთავარი იდეოლოგის მეუღლე – ზემონახსენები თამარ ჩერგოლეიშვილი, რომელსაც საქართველოში „ჩერგოს“ ეძახიან, თავის გუნდთან ერთად, სათავეში ჩაუდგა „საქართველოში ანტირუსული პროპაგანდის წინააღმდეგ ბრძოლის“ კამპანიის ახალ ეტაპს (ჯგუფის განცხადება ქვეყნდება უცვლელად და უკომენტაროდ):
«1 ოქტომბერს, 18:00-ზე, არასამთავრობო და მედია ორგანიზაციები გიწვევთ ერთობლივი საინფორმაციო კამპანიის პრეზენტაციაზე – «დაიცავი თავისუფლება». კამპანიის მიზანია კრემლის პროპაგანდასთან გამკლავება.
საქართველოში რუსული ნარატივის მხარდაჭერა იზრდება – “ევრაზიული კავშირში” გაწევრიანების იდეას მოსახლეობის 31% იწონებს. იმ ადამიანების წილი, ვინც მიიჩნევს, რომ საქართველომ ევროატლანტიკური მისწრაფება რუსეთთან ურთიერთობის ნორმალიზების სანაცვლოდ უნდა დათმოს 19%-დან 26%-მდეა გაზრდილი მხოლოდ 6 თვის განმავლობაში.
გაზრდილია პრორუსული და რეაქციული პოლიტიკოსების მხარდაჭერა – მაღალია იმის ალბათობა, რომ ეს ძალები 2016 წლის არჩევნებზე ბარიერს გადალახავენ.
მოსკოვი მზადაა განუსაზღვრელი რესურსი დახარჯოს საკუთარი “სიმართლის” თავსმოსახვევად. „დაიცავი თავისუფლება“ აპირებს ყველა რეგიონში ჩასვლასა და დასავლეთის წინააღმდეგ მიმართულ კრემლის პროპაგანდისთვის ფაქტების დაპირისპირებას. პლატფორმის ორგანიზატორებს მიაჩნიათ, რომ ამისთვის საჭირო იქნება:
– იმ მითების გაფანტვა, თითქოს დასავლეთი ქართულ იდენტობას და ტრადიციებს ასუსტებს.
– იმის ილუსტრირება, თუ რა ხელშესახები შედეგი ექნება ევროინტეგრაცის შედეგად ქართული საზოგადოებისთვის.
– პრაქტიკული და ტექნიკური რჩევები, როგორ ისარგებლონ ევროპასთან თავისუფალი ვაჭრობის შეთანხმებით და როგორ აისახება ეს მათ ყოვლდღიუობაზე
– მოსახლეობასთან შეხვედრების ინტენსიური გაშუქება ტაბულას ეთერში.
კამპანიის ფარგლებში გაიმართება საჯარო დებატები, საგანმანათლებლო და კულტურული ღონისძიებები.
«დაიცავი თავისუფლება» – კამპანიის ფარგლებში, შემდეგი ერთი წლის განმავლობაში, საქართველოს თითოეულ რეგიონში შედგება ორი – სამ დღიანი ვიზიტი. ადგილობრივ მოსახლეობას შესაძლებლობა მიეცემა შეხვდეს და გაესაუბროს საზოგადოების გამოჩენილ წარმომადგენლებს, მათთან განიხილოს ის პრობლემები, რასაც ყოველდღიურად აწყდება, მოისმინოს ფაქტებზე დაფუძნებული არგუმენტები საქართველოს ევროატლანტიკური არჩევანის სასარგებლოდ და გაიაზროს რა გავლენა ექნება ევროატლანტიკურ ინტეგრაციას მათ ცხოვრებაზე – ეკონომიკური, სოციალური თუ პოლიტიკური მიმართულებით.
პრეზენტაციას დაესწრებიან ადგილობრივი და საერთასორისო ორგანიზაციების, მედიისა და საქართველოში აკრედიტებული დიპლომატიური კორპუსის წარმომადგენლები
პლატფორმაში შემავალი ორგანიზაციები: ტაბულა, საქართველოს სტრატეგიისა და საერთაშორისო ურთიერთობების კვლევის ფონდი (GFSIS), Georgian Review, ტოლერანტობისა და მრავალფეროვნების ინსტიტუტი (TDI), საქართველოს რეფორმების ასოციაცია (GRASS), ფონდი ALPE, საქართველოს დემოკრატიული ინიციატივა (GDI), ფორმულა კრეატივი, თავისუფლების ინსტიტუტი, Altervision Group, საქართველოს სტრატეგიული კვლევების ინსტიტუტი (GISS)».
საქინფორმის რედაქცია
2015 წლის 2 ოქტომბერი
საქართველო, თბილისი
 |