არნო ხიდირბეგიშვილი – ხელისუფლების მიერ გამოცხადებული „ცალმხრივი მეგობრობის რეჟიმის“ შესახებ

თავიდანვე აღვნიშნავ: რა შეცდომებიც არ უნდა დაუშვას მმართველმა პარტია „ქართულმა ოცნებამ“, ის შეუდარებლად უკეთესია, ვიდრე ექს-მმართველი პარტია „ერთიანი ნაციონალური მოძრაობა“ და დღევანდელი საქართველოს ყველა პოლიტიკური ძალა. ამასთან, „ქართული ოცნება“ ძალიან იღბლიანია – ნებისმიერი სხვა პარტია, ამდენი შეცდომით, დიდი ხანია ისტორიის ნაგავსაყრელზე აღმოჩნდებოდა, ივანიშვილის პარტია კი 13 წელია მართავს ქვეყანას და მეათე არჩევნებს იგებს. განა ბედნიერება არ არის, გყავდეს ისეთი პოლიტიკური მოწინააღმდეგე, როგორიც ქართული რადიკალური ოპოზიციაა?! აგენტები და ჯაშუშები, რომლებმაც სამშობლო დოლარებსა და ევროებზე გაყიდეს, გარეწარი იდიოტები, რომლებიც მთელმა მსოფლიომ 4 ოქტომბერს ორბელიანების სასახლესთან იხილა! დებილებს ასობით მილიონი დოლარი და რამდენიმე ტელეკომპანია ჰქონდათ, მაგრამ მაინც ვერ შექმნეს ცივილიზებული პოლიტიკური ძალა, რომელიც მზად იქნებოდა იდეოლოგიურად დაემარცხებინა „ქართული ოცნება“, ამომრჩევლისთვის თუნდაც ერთი პროგრამა წარედგინა და არჩევნებში პატიოსანი ბრძოლით დაემარცხებინა თავისი ოპონენტები, გაემარჯვა კონსტრუქციული კრიტიკით და არა ხელისუფლების წყევლა-კრულვით – „რუსებო!“. „ოცნების დედის …“ და ა.შ.

მაგრამ ახლა მე ჯოჯოხეთზე კი არა, „ქართულ ოცნებაზე“ ვსაუბრობ, სადაც ეშმაკებმა შეაღწიეს. ჩემი მიზანია, რომ ჩემს ქვეყანაში ხელისუფლება 100-ჯერ უკეთესი იყოს, ვიდრე ახლაა. მე არ ვარ მლიქვნელი ან ლაჩარი, როგორც „ქართული ოცნების“ „სახეები“, ამიტომ პირდაპირ ვაცხადებ, რომ 13 წლის განმავლობაში, 2012 წლიდან 2025 წლამდე, მთავრობა Foul–ის ზღვარზე თამაშობდა, ანუ ძალიან სარისკო თამაშს და მხოლოდ არაჩვეულებრივმა იღბალმა და ოპოზიციის დებილობამ გადაარჩინა.

„დაუყოვნებლივ დააპატიმრეთ სააკაშვილი და მისი დამნაშავეები 2008 წლის 7 აგვისტოს სამხედრო დანაშაულისთვის!“ – გავყვიროდი, მაგრამ „ქართული ოცნების“ ხელისუფლებამ სააკაშვილი აეროპორტში ლამის სასულიერო ორკესტრით გააცილა და კოჰაბიტაციის რეჟიმი – მკვლელებთან, ჯალათებსა და მოძალადე სადისტებთან თანამშრომლობა გამოაცხადა. შედეგად, ყველა ეს ახალაია-ზოდელავა-ბარამიძეები 4 ოქტომბერს თბილისში სისხლისღვრას აპირებდნენ.

„საქართველოს არც ნატო სჭირდება და არც ევროკავშირი, სადაც ჩვენ არ მიგვიღებენ. საქართველოს არაფერი ესაქმება ავღანეთში, ქართველები ისედაც ცოტანი დავრჩით!“ – გავიძახოდი უშედეგოდ, ჩვენ კი გვეუბნებოდნენ , რომ ნატო მადლიერი დარჩებოდა საქართველოს მხარდაჭერისთვის და დაუბრუნებდა მას აფხაზეთსა და სამაჩაბლოს – მიუხედავად იმისა, რომ ალიანსის წესდების არც მე-4 და არც მე-5 პარაგრაფები არ ითვალისწინებს ტერიტორიული პრობლემების მქონე ქვეყნების წევრობას, ხოლო ევროკავშირის წევრობა ერთსქესიანთა ქორწინებას, ათობით გენდერსა და სქესის შეცვლას ითვალისწინებს. მაშ, სად არის დღეს ეს „მადლიერება“ ნატოსა და ევროკავშირის მხრიდან?! რატომ დავხარჯეთ ამდენი ძალისხმევა და ფული აპრიორი განუხორციელებელ პროექტებზე?

„უკრაინა, პოლონეთი და ბალტიისპირეთის ქვეყნები, ასევე ევროკავშირი, დიდი ბრიტანეთი და აშშ ბუშის, ობამას და ბაიდენის ადმინისტრაციების დროს, საქართველოს მტრები არიან და არა მეგობრები!“- ყოველ ჯერზე ფაქტებითა და არგუმენტებით ვამტკიცებდი, მაგრამ ხელისუფლება და ოპოზიცია უნისონში ლოცულობდნენ დასავლეთზე, სანამ უკრაინამ და დასავლეთმა სანქციები არ დაუწესეს ხელისუფლებას და ფულით არ აავსეს ოპოზიცია „ქართული ოცნების“ დასამხობად. გუშინ კი ანგელა მერკელმა აღიარა, რომ ბალტიისპირეთის ქვეყნებისა და პოლონეთის გამო ჩაიშალა შეთანხმება პუტინთან და დაიწყო ომი უკრაინაში!

მაგრამ როდესაც საფრთხე შეექმნა ძლიერთა ამა ქვეყნისათა, საქართველოს ხელისფლება გამოფხიზლდა და გაამხილა თუ როგორ სურდა დასავლეთს საქართველოს დაღუპვა, ხელისუფლების იძულებით, გამოეცხადებინა ომი რუსეთისთვის და დაეშვა ერთსქესიანთა ქორწინება, რასაც ითვალისწინებს „მეგობარი აქტი“ (Megobari Act). თუმცა ქართველები ისედაც ცუდად მრავლდებიან, რადგან, სქესობრივი აქტის ნაცვლად, გატაცებული არიან ნარკოტიკებით, რომლითაც „მეგობრებმა“ საქართველო აავსეს.

დღეს კი, 2025 წლის 4 ოქტომბრის შემდეგ, „ქართული ოცნების“ ხელისუფლება უკვე არა Foul-ის, არამედ Full-ის ზღვარზე თამაშობს – ანუ თითქმის სრულ სიმართლეს ამბობს! ევროპისა და აშშ-ის ხელისუფლებების მხილებით – თუ როგორ უგრეხდნენ ხელებს და აიძულებდნენ ეღალატა საქართველოს ეროვნული ინტერესებისთვის, რომლებსაც მაშინვე უღალატა პრეზიდენტებმა მარგველაშვილმა და ზურაბიშვილმა , პრემიერ-მინისტრებმა კვირიკაშვილმა და გახარიამ, თავდაცვის მინისტრმა ხიდაშელმა და პარლამენტის თავმჯდომარე უსუფაშვილმა – „ქართული ოცნების“ ხელისუფლება დღემდე თავს იკავებს Full-სიმართლის, ანუ სრული სიმართლის თქმისგან ევროპისა და აშშ–ის შესახებ, რომელთა პოლიტიკაც ეწინააღმდეგება საქართველოს ეროვნულ ინტერესებს.

საკუთარ რიგებში კორუფციასთან ბრძოლის დაწყების შემდეგ, „ქართული ოცნება“ გარდაუვლად შეჩერდება, წინააღმდეგ შემთხვევაში იძულებული გახდება ბევრი დააპატიმროს და ახალი კადრები შეარჩიოს პატიოსანი ადამიანებისგან, რომლებსაც პარტიული სტაჟი არ აქვთ „ნაცმოძრაობაში“, სადაც შრომის წიგნაკები გახსნეს. უწინდებურად ხელშეუხებელი დარჩებიან სააკაშვილის რეჟიმის მსხვილი ბიზნესმენები, „პაგონიანები“ და ტელეკომპანიები, რომელთაგანაც, როგორც ცნობილია, შედგება „Deep State“-ი ნებისმიერ ქვეყანაში.

დასავლელი გავლენის აგენტებისთვის ომის გამოცხადებით, არასამთავრობო ორგანიზაციებისთვის დასავლური დაფინანსების წყაროების შეწყვეტით და ჰომოსექსუალობის დასავლური პროპაგანდის აკრძალვით, „ქართულმა ოცნებამ“ ერთდროულად გამოაცხადა „კოჰაბიტაცია №2“ – „ცალმხრივი მეგობრობის რეჟიმი“ ევროკავშირსა და შეერთებულ შტატებთან, რომლებიც, მათი თქმით, თავისთავად კარგები არიან, ცუდი კი მხოლოდ მათი ბიუროკრატია – „Deep State“-ი, რომელიც ამჟამად ხელისუფლებაშია. უკაცრავად, მაგრამ „ღრმა სახელმწიფო“ („Deep State“) ვერ იქნება ხელისუფლებაში, იმიტომაც ჰქვია „ღრმა“, რომ სიღრმეშია , იატაკქვეშეთში, და ფარულად ემზადება ხელისუფლებაში მოსასვლელად! და თუ „ღრმა სახელმწიფო“ ხელისუფლებაში მოსვლას მოახერხებს, ის „Deep State“ კი არა, უკვე ოფიციალური ხელისუფლებაა!

ხოლო „ცალმხრივი მეგობრობა“ არ არსებობს, ეს ოქსიმორონია (როგორც გახარიას ასწავლეს ლომონოსოვის სახელობის მოსკოვის სახელმწიფო უნივერსიტეტში), ისევე როგორც არ არსებობს ცალმხრივი მეგობრობა, ცალმხრივი სექსი და ცალ კარში თამაში. ცალმხრივ სიყვარულს პლატონური ჰქვია და ამ ონანიზმისგან ბავშვები არ იბადებიან!

4 ოქტომბერს სახელმწიფო გადატრიალების აღკვეთის შემდეგ, „ქართული ოცნების“ ხელისუფლება თითქმის სრულ – Full სიმართლეს აცხადებს, რომ ის დასავლური სპეცსამსახურების მიერ იყო ორგანიზებული, მაგრამ მსოფლიოს არც ერთი ქვეყნის არც ერთი სპეცსამსახური ან დიპლომატი არასდროს მოქმედებს საკუთარი სურვილით – ისინი ასრულებენ თავიანთი ქვეყნების ხელისუფლების ბრძანებებს. ამიტომ, „ქართული ოცნების“ ხელისუფლება Full-ის ზღვარზე თამაშობს – ჩქმალავს „წვრილმანებს“, რომ ევროკავშირმა და აშშ–მ, რომლებმაც ვერ შეძლეს საქართველოს ხელისუფლების იძულება რუსეთის წინააღმდეგ „მეორე ფრონტის“ გასახსნელად, გადაწყვიტეს 4 ოქტომბერს „თბილისის ევრომაიდანის“ მოწყობა, რათა ხელისუფლებაში უკრაინის მოქალაქე სააკაშვილი დაებრუნებინათ, რომელიც მეორე დღესვე ქართულ ჯარს აფხაზეთსა და სამაჩაბლოში განლაგებული რუსეთის სამხედრო ბაზებზე იერიშის ბრძანებას გასცემდა!

არნო ხიდირბეგიშვილი,
საქინფორმის გენდირექტორი და მთავარი რედაქტორი,
უშიშროების, სტრატეგიული ანალიზისა და საინფორმაციო პოლიტიკის ცენტრის დირექტორი

2025 წლის 9 ოქტომბერი
საქართველო, თბილისი