არნო ხიდირბეგიშვილი: „ავლაბარიდან ალაბარამდე“ – ვის აწყობს კონფლიქტი ტრამპსა და „ქართულ ოცნებას“ შორის

    „საქინფორმი“-ს გენდირექტორი და მთავარი რედაქტორი, უშიშროების, სტრატეგიული ანალიზისა და საინფორმაციო პოლიტიკის ცენტრის დირექტორი არნო ხიდირბეგიშვილი სპეციალურად SPUTNIK Georgia–სთვის განმარტავს — რატომ არის საქართველოსთვის ანტიტრამპისტულ კამპანიაში მონაწილეობის მიღება კატეგორიულად უკუნაჩვენები.

2003 წლის 23 ნოემბერს, როდესაც საქართველოს სათავეში ეპშტეინის ფაილებში ნახსენები მიხეილ შეშლილი ჩაუდგა, განვაცხადე, რომ არ არსებობს კარგი და ცუდი ერი, არსებობს მხოლოდ ორი ეროვნება — ჭკვიანთა და სულელთა. თუმცა, დღეს საუბარი გვექნება მოქალაქეთა სხვა კატეგორიაზე — არასერიოზულ ადამიანებზე, რომლებიც სულელებზე ჭკვიანები არიან, მაგრამ ჭკვიან მტრებზე — სულელები. ისინი საქმეს მხოლოდ მაშინ ვნებენ, როდესაც ცდილობენ საზოგადოების ყურადღება მიიპყრონ, როგორც პოლიტანალიტიკოსებმა, თავიანთი აბსურდული პროგნოზებით შეთქმულების კონსპირაციული თეორიების სტილში. სკანდალებსა და მსგავს ეგზოტიკაზე დახარბებული მასა ხარბად ყლაპავს ამ უხარისხო, სამაგიეროდ ადვილად მოსანელებელ პროპაგანდისტულ საქონელს, რადგან არასერიოზული ადამიანები ზედაპირული არიან, ისევე როგორც მათ მიერ გამომცხვარი ინტრიგები. იმპულსური და დაქსაქსული ქართული საზოგადოების დეზინფორმაცია და მისტიფიკაცია, ალუზიები „სიღრმისეულ სახელმწიფოზე“ (Deep State), რომლის ნამდვილი სიღრმეები მათთვის მიუწვდომელია, სწორედ ის ბოროტებაა, რაც ხელს უშლის ზომბირებული მოქალაქეების თანხმობას და იწვევს აურზაურს ამ მეტად პასუხისმგებლიან პერიოდში, როდესაც წყდება არა მხოლოდ საქართველოს, არამედ ბირთვული ზესახელმწიფოების მომავალი.

მოვიყვან რამდენიმე ცინცხალ მაგალითს — თუ როგორ მიძვრებიან არასერიოზული ადამიანები პოლიტიკაში, რომელიც საქართველოში, ისევე როგორც სპორტი საბჭოთა კავშირში, მასობრივი სამოყვარულო საქმეა.

არ ვარ ქართული ტელეარხების მუდმივი მაყურებელი, მათი უმეტესობისთვის საერთოდ არასოდეს მიყურებია, მიუხედავად იმისა, რომ ისინი პოპულარულად ითვლებიან საჭორაო თოქშოუებისა და ონლაინ-დებატების გამო. ფსიქიკისთვის დამთრგუნველი სანახაობა უარყოფით ემოციებს იწვევს, განსაკუთრებით მათში, ვისაც ახსოვს ქართული სახელმწიფო ტელევიზია გასული საუკუნის 90-იანი წლების შუა ხანებამდე. ეს იყო მაღალკულტურული და მაღალინტელექტუალური ქართველი საზოგადოების სახე, სადაც დაცული იყო მორალის, ეთიკისა და ესთეტიკის ყველა დაწერილი თუ დაუწერელი წესი. მაგრამ საინფორმაციო გამოშვებების ყოველდღიური კოლაჟის მოწყობა პულტით ხელში მაინც მიწევს, რათა მქონდეს ინფორმაცია — რით კვებავენ მაყურებელთა აუდიტორიას, რომელმაც დიდი ხანია დაკარგა კრიტიკული აღქმის უნარი.

ჰოდა, გასულ კვირას, ერთ-ერთი ასეთი ყურებისას, აღმოვაჩინე, რომ ყველაზე მსხვილმა ქართულმა ტელეკომპანიამ, რომელიც საქართველოში მთავარ პროსამთავრობო არხად ითვლება, გააგრძელა პოლიტიკური ბლოგერის ტირაჟირება, რომლის პოსტები Facebook-ზე ჩვეულებრივ სრულად იკითხება ტელეეთერში, რაც ოპოზიციას აძლევს საფუძველს, უწოდოს მას „სამთავრობო პროპაგანდისტი-იდეოლოგი“. ამ ბატონის ბოლო post-პუბლიკაცია, რომელიც თავს ფილო-ёსოფოსად წარმოაჩენს, შეიცავს აშშ-ის პრეზიდენტის, დონალდ ტრამპის „მხილებას“, რომელიც „დაღდასმულია“, როგორც „ომების გამჩაღებელი“ Deep State-ის დავალებით (?!), და ამ უკანასკნელმა, თითქოს, „მოსკოვსა და კიევთან ერთად კარგად მოახდინა ომის კოორდინირება უკრაინაში“ (?!).

ნაკლებად სავარაუდოა, რომ შემთხვევითი იყოს ამ აბდაუბდა ეპატაჟის თანადროულობა შემდეგ მოვლენებთან:

1. საქართველოს პრემიერ-მინისტრმა ირაკლი კობახიძემ კვლავაც განაცხადა აშშ-სთან სტრატეგიული პარტნიორობის გადატვირთვის სურვილის შესახებ — სუფთა ფურცლიდან დაწყება, რითაც დაადასტურა თბილისის მხრიდან ღია ჟესტზე ვაშინგტონისგან საპასუხო რეაქციის მომთმენი, ოპტიმისტური მოლოდინის ტაქტიკა;

2. იგივე გაიმეორა საქართველოს საგარეო საქმეთა მინისტრის მოადგილემ აშშ-ის სახელმწიფო მდივნის თანაშემწესთან ვაშინგტონში სამუშაო ვიზიტის ფარგლებში;

3. იგივე გაიმეორეს საგარეო საქმეთა მინისტრმა და მთავრობის აპარატის უფროსმა აშშ-ის კონგრესის თანამშრომელთა დელეგაციასთან, რომლებიც თბილისში ჩამოვიდნენ საქართველოს ხელისუფლებისა და ოპოზიციის წარმომადგენლებთან შესახვედრად;

4. მაკკეინის ინსტიტუტის გლობალური დემოკრატიის პროგრამების დირექტორმა ლორა თორნტონმა განაცხადა, რომ აშშ-ის ვიცე-პრეზიდენტი თებერვალში სამხრეთ კავკასიაში ვიზიტისას საქართველოს არ ეწვევა, რადგან „ამერიკელ ლიდერებს არ აქვთ საფუძველი შეხვდნენ მთავრობას, რომელიც შეურაცხყოფას აყენებდა დასავლელ დიპლომატებს, ადანაშაულებდა მათ „მეორე ფრონტის“ გახსნის სურვილში და მხარს უჭერს ძალებს, რომლებიც სკანდირებენ „სიკვდილი ამერიკას““; და რომ „ამერიკის შეერთებული შტატების მიერ ურთიერთობების გადატვირთვა საქართველოსთან ამ ხელისუფლების პირობებში შეუძლებელია“.

„მაშ, ვის დავუჯეროთ? — საბოლოოდ დაიბნენ პროპაგანდით დაბრმავებული საქართველოს მოქალაქეები, — ხელისუფლებას პრემიერ კობახიძის სახით, რომელსაც ბიძინა ივანიშვილისგან სრული კარტ-ბლანში აქვს, თუ ხელისუფლების რუპორს — პროსამთავრობო ტელეკომპანიას, რომლის პირდაპირ ეთერშიც ხელისუფლება ამ დღეებში ტელედებატებს გახსნის ოპოზიციასთან?“. ვინ დაობს — წინასწარმეტყველ-მისნები ყოველთვის სარგებლობდნენ გავლენით დიდებულთა კარზე, მაგრამ განა ბიძინა ივანიშვილს სჭირდება მათი მომსახურება, განსაკუთრებით მას შემდეგ, რაც ყველა სუფრასთან მიშვებული გაიძვერა „ექსპერტი“ აღმოჩნდა მოსყიდული, შუშის სასახლეში შეგზავნილი ჯაშუში?!

ამასთან, ძნელი წარმოსადგენია, რომ „მარცხნიდან“ და „მარჯვნიდან“ ჯვარედინი პროპაგანდით ზომბირებულ საქართველოს რიგით მოქალაქეს გაუჩნდეს ბუნებრივი კითხვა: არის კი ეს ტელეკომპანია მართლაც პროსამთავრობო? რამდენად შეესაბამება მშვიდობისა და ჩაურევლობის საგარეო პოლიტიკას, რომელსაც 2012 წლიდან ატარებს მმართველი პარტია, ამ ტელეკომპანიის სარედაქციო პოლიტიკა, რომელიც 22.02.2022-დან აშუქებს სპეცოპერაციას კიევის პოზიციიდან, აკოპირებს რა უკრაინული მედიის პროპაგანდისტულ შტამპებს „რუსი აგრესორებისა და ოკუპანტების მიერ ბომბდამშენების შედეგად მშვიდობიან მოსახლეობაში მსხვერპლისა და ბუჩასა და მარიუპოლში კაცობრიობის წინააღმდეგ ჩადენილი დანაშაულების“ შესახებ? ამის შემდეგ განა გასაკვირია, რომ საქართველოში ყველაზე მსხვილი ტელეკომპანია, რომელიც სარგებლობს პროსამთავრობო არხის სახელითა და პრივილეგიებით, ატარებს სამთავრობოსგან დიამეტრულად განსხვავებულ პოლიტიკას? ნუთუ მხოლოდ იმიტომ, რომ ტრამპი არის აშშ-ის პირველი პრეზიდენტი უახლეს ისტორიაში, რომელმაც პუტინთან საქმიანი საუბარი დაიწყო, რისგანაც თბილისი ჯერჯერობით თავს იკავებს? ნუთუ მხოლოდ იმიტომ, რომ ტრამპი ტრადიციული ოჯახური ღირებულებების მომხრეა, რომელმაც აკრძალა მრავალგენდერობა და მისი მთავარი სპონსორი — USAID?

   გასაკვირი აქ არაფერია — საქართველოში თითქმის მთელი ტელეჟურნალისტური საძმო ერთ ღამის ქოთანზე გაიზარდა და ერთი ჯამიდან ჭამდა, რომელსაც საინვენტარიზაციო წარწერა „რუსთავი 2“ჰქონდა. „რუსთავი 2“ – ასე ერქვა 2003 წლის ნოემბერში მიხეილ შეშლილის მიერ დამარცხებული ქართველი ხალხის ტელევიზიას — „პროკრუსტეს სარეცელს“ მკაცრი წესებით, სადაც რუსოფობიასა და ჰომოსექსუალიზმის პროპაგანდაზე დამყნობილ მიკროფონიან ცოცხალ რობოტებს შტამპავდნენ.

ამ კითხვების ნაცვლად, ქართველი ობივატელის თავში, რომელიც არასერიოზულმა ადამიანებმა მიაჩვიეს ყველაფერში ვერაგობისა და ქვეტექსტის ძებნას, იბადება სხვადასხვა კონსპირაციული შეთქმულების თეორიები, მაგალითად — რომ ეს თავად ბიძინა ივანიშვილის მითითებით გააჟღერა პროსამთავრობო ტელეკომპანიამ ოფიციალურისგან განსხვავებული საგარეო პოლიტიკური ვექტორი, რომლის შესაბამისადაც აშშ მიკუთვნებულია ევროკავშირსა და დიდ ბრიტანეთს, რომლებმაც საქართველოსთან მიმართებით ნიღბები ჩამოიხსნეს; და ეს სათადარიგო საგარეო პოლიტიკური ვექტორი გახდება მთავარი, თუ აშშ უახლოეს ხანში არ გამოგზავნის საქართველოში თავის ელჩს, მიიღებს Megobari Act-ს და მოითხოვს რიგგარეშე საპარლამენტო არჩევნების ჩატარებას.

ინტერნეტი მოწმეა, რომ ბევრ პუბლიკაციაში და პრესკონფერენციაზე ტრამპის მეორე ინაუგურაციის, ანუ 2025 წლის 20 იანვრის შემდეგ, ხაზს ვუსვამ — საქართველოში განმეორდება სიტუაცია, როგორც ტრამპის პირველი პრეზიდენტობის დროს, როდესაც თბილისში თითქმის 2 წელი არ აგზავნიდნენ ამერიკის ელჩს, დეტალურად განვმარტავდი — თუ რა ობიექტურ და სუბიექტურ ფაქტორებთანაა ეს დაკავშირებული, მაგრამ არასერიოზული ადამიანები მოვლენების არსს არ წვდებიან და ერთდღიანი პიარის დევნაში მთავარი ავიწყდებათ. მაგალითად — რომ 90-იან წლებში რუსეთში პრაქტიკულად დანაკარგების გარეშე ველური კაპიტალიზმის პერიოდ გამოვლილი ბიძინა ივანიშვილი არის გამოცდილი და ხისტი პოლიტიკოსი, რომელიც ტრამპზეც მდიდარია, და ვიდრე უძრავი ქონების სფეროში მსოფლიო ლიდერი მუჰამედ ალაბარი — სიეტლის უნივერსიტეტის საპატიო დოქტორი, ლონდონის ეკონომიკისა და პოლიტიკური მეცნიერებების სკოლის საპატიო დოქტორი და სამ მუნის უნივერსიტეტის საპატიო დოქტორი სამხრეთ კორეაში (რომელმაც, დიდი ალბათობით, ლობირება გაუწია ეკონომიკური პარტნიორობის შესახებ შეთანხმებას საქართველოსა და სამხრეთ კორეას შორის, გასულ კვირას რომ იქნა მიღწეული). არასერიოზული ადამიანები ავლაბარს ალაბარში ურევენ და ეჭვიც არ აქვთ, რომ სწორედ ვაშინგტონის რჩევით რიგგარეშე საპარლამენტო არჩევნების შემთხვევისთვის, რომლის სავარაუდო ჩატარებაზეც არაერთხელ განვაცხადე, ბიძინა ივანიშვილმა, რათა გამორიცხოს უცხოური ჩარევა კენჭისყრის პროცესში, დღეს საპარლამენტო უმრავლესობის მეშვეობით მოახდინა გრანტების შესახებ კანონის გამკაცრების ინიცირება.

ყველა ჯურის არასერიოზულმა ადამიანმა — როგორც პროსამთავრობომ, ისე ოპოზიციურმა — ვერა და ვერ გაიგო, რომ ბრიფინგი ჰელსინკის კომისიაში საქართველოში არსებული სიტუაციის შესახებ, რომელიც 28 იანვარს უნდა გამართულიყო, გადაიდო არა „ცუდი ამინდის გამო“, როგორც კომისიის საიტზე იტყობინებოდნენ, არამედ მილიარდერი ბიძინა ივანიშვილის ამერიკელი ლობისტების წყალობით. შეგახსენებთ, რომ ბრიფინგზე საქართველოს მკაცრი კრიტიკით უნდა გამოსულიყვნენ კლერ კაიზერი, McLarty Associates-ის მმართველი დირექტორი, ლორა თორნტონი – მაკკეინის ინსტიტუტის გლობალური დემოკრატიის პროგრამების დირექტორი და ოლესია ვართანიანი – ჯორჯ მეისონის უნივერსიტეტის მეცნიერ-თანამშრომელი.

   არასერიოზულ ადამიანებს, რადიკალურ ოპოზიციასა და არასამთავრობო სექტორთან ერთად, რომელთაც საქართველოს წინააღმდეგ ახალი სანქციები და თბილისში კარაკასში ჩატარებული ოპერაციის განმეორება სწყურიათ — ოღონდ კი მათი ბნელი პროგნოზები „ქართული ოცნების“ ხელისუფლების თეთრი სახლის ამჟამინდელ ადმინისტრაციასთან საბოლოო გაწყვეტის შესახებ გამართლდეს! — არ ესმით, რატომ დაბლოკა სენატორმა რესპუბლიკელმა მარკუეინ მალინმა ანტიქართული MEGOBARI Act-ის მიღება აშშ-ის კონგრესში. ესეც ხომ ბიძინა ივანიშვილისა და მისი ლობისტების წყალობით მოხდა და სულაც არა იმის გამო, რომ მალინის წინასაარჩევნო კამპანიას რაღაც „კაპიკებით“ (6 ათასი დოლარით) მხარი დაუჭირა Frontera Resources Corporation-ის დამფუძნებელმა სტივ ნიკანდროსმა, რომელიც, თითქოს, აპირებს საქართველოში დაბრუნებას და მილიარდების დაბანდებას კახეთში ნავთობის მოპოვების უწინ დაწყებულ პროექტში.

   სკანდალის პროვოცირება, რომელიც საქართველოდან ამერიკული Frontera-ს წასვლით და საარბიტრაჟო სასამართლოთი დასრულდა, მაშინდელმა პრემიერ–მინისტრმა გიორგი გახარიამ ერთი ევროპული სპეცსამსახურის დავალებით მოახდინა.

ეს ყველაფერი იმიტომ ხდება, რომ არასერიოზული ადამიანები, რომლებსაც საზოგადოების ყურადღება გლობალური პრობლემებიდან თსუ-სა და სტუ-ს გაერთიანებაზე გადააქვთ, ამ უკანასკნელის პირველი კორპუსი ქართველმა კომუნისტებმა ნამგლისა და უროს ფორმით რომ ააშენეს შთამომავლების დასამოძღვრად — რომ ცოდნა და შრომა, ქარხნებსა და მინდორში, ყველაფერს გადალახავს! – ვერ იგებენ მთავარს: გლობალიზაციის ეპოქა დასრულდა და მსოფლიო დაიყო „კლასტერებად“ (ეს ტერმინი უფრო მომწონს, ვიდრე დეფინიცია „მრავალპოლარული მსოფლიო“) თავიანთი ეროვნული ინტერესებით, რომლებიც ან ითანამშრომლებენ, ან იომებენ „ოჯახებით“, ანუ — კლასტერებით. ამიტომ მოღალატეობრივად მავნეა აშშ-ის — ამერიკული „კლასტერის“ — გაღიზიანება საქართველოს სტრატეგიული და ეკონომიკური პარტნიორობით აღმოსავლეთისა და აზიის ქვეყნებთან — აღმოსავლურ „კლასტერთან“, ანუ ჩინეთთან, თურქეთთან, ირანთან, არაბთა გაერთიანებულ საამიროებთან, სპარსეთის ყურისა და ცენტრალური აზიის სხვა ქვეყნებთან, რითაც ადგილობრივი უცხოეთის აგენტები არასერიოზულ ადამიანებთან ერთად არიან დაკავებულნი.

დავუბრუნდეთ ზემოხსენებულ ფილო-სოფოსი ბლოგერის post-პუბლიკაციას, რომელსაც უპრეცედენტო პრომოუშენს უწევს „პროსამთავრობო“ ტელეკომპანია, რომელიც დიდ ბრიტანეთში გაურკვეველ ვითარებაში მოკლულმა მილიარდერმა პატარკაციშვილმა შექმნა. გაიმეორა რა post factum გაცვეთილი სენტენციები ირანსა და ვენესუელაში, ისრაელ-პალესტინისა და რუსეთ-უკრაინის კონფლიქტებში აშშ-ის „ცუდი“ როლი შესახებ, ის პრაქტიკულად ციტირებს ჩემს განცხადებას, რომელიც ბევრ პუბლიკაციაში და პრესკონფერენციაზე მაქვს გამოთქმული — იმის შესახებ, რომ „8 ომი, რომელიც ტრამპმა დაასრულა, უცნობია, ხოლო ომი სომხეთსა და აზერბაიჯანს შორის დასრულდა 2020 წლის 10 ნოემბერს, ტრამპის ინაუგურაციამდე, 2025 წლის 20 იანვრამდე 4 წლით და 2 თვით ადრე“. მე პლაგიატი არასოდეს მაწუხებს — ნებისმიერს საქართველოში და მის ფარგლებს გარეთ შეუძლია აღნიშნოს ეს ფაქტი თუნდაც ერთი წლის შემდეგ, როგორც ეს ზემოხსენებულმა პატივცემულმა ბატონმა გააკეთა, მნიშვნელოვანი მხოლოდ ისაა, რომ ვერც მან და ვერც ვერავინ სხვამ ვერ შენიშნა შემდეგი „წვრილმანები“:

პირველი ნიუანსი — რომ 2020 წლით დათარიღებული ცეცხლის შეწყვეტის შესახებ შეთანხმება და სომხეთსა და აზერბაიჯანს შორის მშვიდობის დამყარებისა და სახელმწიფოთაშორისი ურთიერთობების შესახებ შეთანხმება, რომელიც დონალდ ტრამპის სამუშაო მაგიდასთან ოვალურ კაბინეტში იქნა პარაფირებული ილჰამ ალიევის, ნიკოლ ფაშინიანისა და დონალდ ტრამპის მიერ დეკლარაციაზე ხელმოწერასთან ერთად, ეს, როგორც ოდესაში იტყვიან, „ორი დიდი განსხვავებაა“. მაგრამ არასერიოზული ადამიანებისთვის ცეცხლის შეწყვეტა და ომის შეწყვეტა, შეთანხმების პარაფირება და ხელშეკრულების დადება, როგორც ჩანს, ერთი და იგივეა.

მეორე ნიუანსი — თუ აზერბაიჯანის პრეზიდენტმა და სომხეთის პრემიერ-მინისტრმა აშშ-ის პრეზიდენტის კაბინეტში აღიარეს მისი ექსკლუზიური როლი ყარაბაღის ომის შეწყვეტაში, რის გამოც ერთსულოვნად წარადგინეს ტრამპის კანდიდატურა ნობელის მშვიდობის პრემიაზე, ეს არ ნიშნავს, რომ სამშვიდობო შეთანხმება სომხეთსა და აზერბაიჯანს შორის ხელმოწერილია. არასერიოზულ ადამიანებს საქართველოში არ ესმით, რომ სომხეთსა და აზერბაიჯანს აწყობთ ისეთი სტატუს-კვო, როდესაც მათ შორის გარანტი ამიერიდან ამერიკის შეერთებული შტატებია და არა რუსეთი. აშშ-ს კი აწყობს ყოფნა ზანგეზურში, ირანის საზღვართან, სადაც ამერიკელები სადაზვერვო ცენტრს (data-center, ინფორმაციის შენახვისა და დამუშავების ცენტრს) ააშენებენ. მართალია, ფაშინიანმა, რომელმაც შექმნა ვოკალურ-ინსტრუმენტული ანსამბლი „Varchaband“, შესთავაზა რუსეთს აღადგინოს სომხეთის, აზერბაიჯანისა და თურქეთის დამაკავშირებელი რკინიგზა (ერასხიდან — ნახიჩევანამდე და ახურიკამდე), რომლებიც ყარაბაღის ომის დაწყების შემდეგ მიტოვებულია: ვინ იცის, რა ხდება?! აქაოდა, ტრამპი მოდის და მიდის, პუტინი კი რჩება — სულ მცირე, 2030 წლის 7 მაისამდე.

რაც შეეხება არასერიოზული ადამიანების ინსინუაციებს — თითქოს საქართველო დაკარგავს თავის ტრანზიტულ ფუნქციას ზანგეზურის დერეფნის გამო – „ტრამპის მარშრუტი საერთაშორისო მშვიდობისა და კეთილდღეობისთვის“ TRIPP №741, ეს არის მორიგი პროვოკაცია ქართველებს, აზერბაიჯანელებსა და სომხებს შორის ეთნიკური შუღლის გასაღვივებლად, რადგან ტრამპის მარშრუტი ვერ გაუწევს კონკურენციას „შუა გზის“ ქართულ მონაკვეთს ბევრი ობიექტური და სუბიექტური მიზეზის გამო (დაგუგლეთ „ხიდირბეგიშვილი ზანგეზურის დერეფანი“ — და თავად გაიგებთ, რის გამო). მაგრამ ყველაზე მთავარი ისაა, რომ ზანგეზურის დერეფანი — ტრამპის მარშრუტი დაგეგმილია ექსპლუატაციაში შევიდეს მხოლოდ 2028 წელს, როდესაც ტრამპი დატოვებს თეთრ სახლს — 2028 წლის 7 ნოემბერს აშშ-ში ჩატარდება საპრეზიდენტო არჩევნები და აშშ-ის პრეზიდენტი მესამედ ტრამპი ვეღარ გახდება.

კამპანია ტრამპის წინააღმდეგ უკვე დაწყებულია — ზუსტად ისევე, როგორც მისი პირველი პრეზიდენტობის დროს. მაგრამ თუ მაშინ მას კრემლთან ფარულ კავშირებში ადანაშაულებდნენ, რომელიც, თითქოსდა, დაეხმარა მას საპრეზიდენტო არჩევნების მოგებაში (ტრამპს გისოსებს მიღმა ჩასვამდნენ, რომ არა მისი მეორედ პრეზიდენტობა, რის შემდეგაც „უცებ“ აღმოჩნდა, რომ მის წინააღმდეგ ფეიკ–კამპანია ყოფილი პრეზიდენტის ობამას მიერ იყო ორგანიზებული), ახლა სხვა ფეიკ-თემა აირჩიეს. ეპშტეინის 6 მლნ ფაილი, მაგრამ აშშ-ის იუსტიციის სამინისტრომ, რამდენიც არ ეცადა, ვერ აღმოაჩინა ვერცერთი დოკუმენტი, რომელიც ამტკიცებს ტრამპის მონაწილეობას არასრულწლოვნებზე ძალადობაში. ხოლო მილიარდერ-ფინანსისტის ფაილები, რომლებიც ეჭვისაღმძვრელად ამოტივტივდა მხოლოდ მისი ციხეში ლიკვიდაციის შემდეგ, დავიწყებას მიეცემა მას შემდეგ, რაც დასაშანტაჟებელი აღარავინ იქნება, როგორც უწინ გაქრა სნოუდენის 1,7 მლნ ფაილი ან ასანჟის ასობით ათასი ფაილი. ვიდეო, რომელზეც ახალგაზრდა ტრამპი და ეპშტეინი ერთობიან წვეულებაზე ლამაზ გოგონებთან ერთად (ბიჭებთან ხომ არა!), აშშ-ის მოქმედი პრეზიდენტის წინააღმდეგ კომპრომატი არ არის. დიახ, ტრამპი — ცნობილი მექალთნეა, დიახ, მისი მეუღლე — მსოფლიოში ყველაზე ლამაზი პირველი ლედია და მისი ორი წინა მეუღლეც არ ყოფილან უშნოები, დიახ, „მის სამყაროს“, „მის მსოფლიოსა“ და „მის აშშ“-ის მფლობელი და ორგანიზატორი დონალდ ტრამპი დარჩა ერთი ღამით მოსკოვში (2013 წლის 8-დან 9 ნოემბრამდე, რესტორანში აგალაროვთან ვახშმის შემდეგ), სადაც ჩაფრინდა „მის სამყაროს“ კონკურსის ორგანიზების საკითხებზე: სად არის აქ, მითხარით გეთაყვა, დანაშაულის შემადგენლობა?! სტალინმაც კი, როდესაც ბერიამ მოახსენა, რომ მარშალ როკოსოვსკის საყვარელი გაუჩნდა — ცნობილი ლამაზმანი მსახიობი ვალენტინა სეროვა, და ჰკითხა, ახლა მათ რა ვუყოთო? — პირიდან ჩიბუხი გამოიღო, ცოტა დაფიქრდა და თქვა: „რა ვუყოთ, რა ვუყოთ… შეგვშურდეს, აი, რა ვუყოთ!“.

მაგრამ ცნება „შური“ არ არის პოლიტიკის სფეროდან, ამიტომ „ქართული ოცნებისთვის“, როდესაც სიტუაცია კვადრატში „რუსეთი-ევროკავშირი-აშშ-უკრაინა“ — დაძაბული და გაურკვეველია, ანტიტრამპისტულ კამპანიაში მონაწილეობის მიღება, რასაც არასერიოზული ადამიანები ესწრაფვიან, აშშ-ის მოქმედი პრეზიდენტის „ომების გამჩაღებლად“ და „Deep State“-ად მოხსენიება კატეგორიულად უკუნაჩვენებია.

Post scriptum

ზემოხსენებული „ფილოსოფოსი“ — მისანი, რომელიც გაუგებრად განმარტავს დიალექტიკურ მატერიალიზმს საქართველოს მთავარ პროსამთავრობო არხზე, რომელმაც საბოლოოდ აურია მსოფლიო რევოლუციის გარდაუვალობა — შეთქმულების თეორიასთან „კორპორაციების მომავალი მმართველობის“ შესახებ, თავის „საკრალურ“ Facebook-post-ს ასრულებს ხელისუფლების მისამართით მუქარით — აქაოდა, როდესაც ჩემი მაგიური წინასწარმეტყველება ახდება, მთელი პასუხისმგებლობა და წყევლა დაატყდება „ქართულ ოცნებას“, რომელმაც საქართველოს მოსახლეობა აპოკალიფსისთვის არ მოამზადა…

05.02.2026
საქართველო, თბილისი