ამერიკულმა „დემოკრატიის შუქურამ“ ათასობით მოქალაქე დახოცა, მაგრამ საქართველოში არ ყოფილა დარბევები, როგორც აშშ-ში ჯორჯ ფლოიდის გამო! – არნო ხიდირბეგიშვილი

 საქართველო, 8 ივნისი, საქინფორმი. ჯორჯ ფლოიდის დაღუპვასა და აშშ-ში გამართულ საპროტესტო აქციებთან დაკავშირებით აშშ-ის საელჩომ საქართველოში გაავრცელა ფარისევლური განცხადება, რომელსაც, საქინფორმის მთავარი რედაქტორის, არნო ხიდირბეგიშვილის კომენტარების თანხლებით, მკითხველთა ყურადღებას მივაპყრობთ.

     „ამერიკის შეერთებული შტატების საელჩო თბილისში, ისე როგორც მთელი დანარჩენი მსოფლიო თვალყურს ადევნებს ღრმად შემაშფოთებელ ახალ ამბებს, რომლებიც უკავშირდება პოლიციელების მიერ ჯორჯ ფლოიდის მკვლელობის ფაქტს, 25 მაისს, მინესოტაში. ჯორჯ ფლოიდის სიკვდილი, მშვიდობიანი პროტესტები და თანმდევი ძალადობა, რასაც ადგილი აქვს ამერიკის შეერთებული შტატების დიდ ნაწილში, მათ შორის, ვაშინგტონში შეგვახსენებს, რომ ამერიკის შეერთებული შტატები არის ქვეყანა, რომელიც დიდი ხანია ისწრაფვის და ზოგჯერ წინააღმდეგობებსაც აწყდება რთულ ბრძოლაში დემოკრატიული ღირებულებების, განსამტკიცებლად, რაც თავისთავად მოიცავს კანონის უზენაესობას, სამართლიან და თანასწორ მოპყრობას ყველას მიმართ, როგორც ქვეყნის შიგნით, ასევე მის საზღვრებს გარეთ. ჩვენი ძალისხმევა ამ მიმართულებით, ცხადია შორსაა სრულყოფისგან”.

     არნო ხიდირბეგიშვილი: მაშასადამე, აშშ დემოკრატიის ეტალონი კი არ არის, როგორც ამას მთელი ცხოვრება გვინერგავდნენ, არამედ მხოლოდ ”ხანგრძლივ რთულ ბრძოლას” აწარმოებს დემოკრატიისთვის?! და, როგორც ჩანს, წარუმატებლად, რადგან უკვე “დიდი ხანია აწარმოებს”? მაგრამ თუ “ქვეყნის შიგნით” არაფერი გამოსდით, მაშინ ამავე დროს რატომ “აწარმოებს საზღვარგარეთაც”? საზღვარგარეთ აშშ-ს ამას ვინმე სთხოვს? „ჩვენი ძალისხმევა ამ მიმართულებით, ცხადია შორსაა სრულყოფისგან” – მაშასადამე, აშშ-მა აღიარა, რომ არასრულყოფილი დემოკრატიის ქვეყანაა, ეს უკვე დამაიმედებელია! მაშ, რატომ უნდა მოახვიოს თავზე საქართველოსა და მსოფლიოს თავიანთი ხარვეზებიანი მოდელი, თანმდევი „ძალადობით, რასაც ადგილი აქვს ამერიკის შეერთებული შტატების დიდ ნაწილში, მათ შორის, ვაშინგტონში”?!

     აშშ-ს საელჩო: „ჯორჯ ფლოიდის ტრაგიკული სიკვდილი არის კიდევ ერთი სულის შემძვრელი შეხსენება ჩვენს ქვეყანაში მიმდინარე მუდმივი ბრძოლისა ამ იდეალების სრულად დასაცავად. ჩვენი ფუნდამენტური ღირებულებები: სიტყვის, პრესისა და მშვიდობიანი შეკრების თავისუფლება აქცევს ამერიკას ღია ქვეყნად, რომელიც ესწრაფვის თავისუფლებასა და სამართლიანობას ყველასათვის და უარყოფს ძალადობას, რომელიც არავის და არანაირ ღირებულ მიზანს არ ემსახურება. ჩვენ ვისწრაფვით ამ იდეალების გათავისებისკენ, როგორც ჩვენს ქვეყანაში, ასევე საქართველოსა და მთელ მსოფლიოში, რადგანაც ეს იდეალები ძლიერი დემოკრატიის განუყოფელი ნაწილია“.

     არნო ხიდირბეგიშვილი: ოჰ, რა სიტყვებია! „სულისშემძვრელი შეხსენება“: მართლაც, სულს შეგიძრავს იმის გახსენება, თუ როგორ ხოცავდნენ აშშ-ის მთელი ისტორიის განმავლობაში შავკანიანებს და ყველგან კიდებდნენ აბრებს „მხოლოდ თეთრებისთვის“! შემდეგ კი, შავი უმცირესობების უფლებების დაცვით ძალიან გადააჭარბეს, ზანგები გათავხედდნენ და დღეს სამაგიეროს მიუზღავენ, რატომ გიკვირთ?! სიტყვები თქვენი განცხადებიდან – ” მუდმივი ბრძოლა იდეალებისთვის” – მოწმობს, რომ ეს იდეალები მუდმივი საფრთხის ქვეშაა, განა ასე არ არის, ქალბატონო კელი დეგნან?! „ჩვენ ვისწრაფვით ამ იდეალების გათავისებისკენ, როგორც ჩვენს ქვეყანაში, ასევე საქართველოსა და მთელ მსოფლიოში“: სულის შემძვრელია, როცა ამ “გათავისებას” ვიხსენებთ – ბელგრადსა და ვიეტნამში, ეგვიპტესა და ლიბანში, ერაყში, ჰიროსიმაში და ნაგასაკში! ხოლო საქართველოში, “დემოკრატიის იდეალების წარმატებულდ გათავისებისთვის” აშშ-მა პრეზიდენტ სააკაშვილს ”დემოკრატიის შუქურა” უწოდა – სწორედ იმ დროს, როცა მისი ბრძანებით ხოცავდნენ ათასობით ადამიანს, ათობით ათასობით ადამიანს აწამებდნენ და ასობით ათას მოქალაქეს ციხეში ყრიდნენ! მაშინ ძვრა არ ჰქონდა თქვენს ამერიკელმა სულებს, მადამ აშშ-ის ელჩო?! რაღაც ვერ ვიხსენებთ აშშ–ის საელჩოს თუნდაც ერთ „სულისშემძვრელ“ განცხადებას სააკაშვილის დასაგმობად! სხვათა შორის, როდესაც პოლიციელებმა გირგვლიანი, რობაქიძე, ვაზაგაშვილი, პოლკოვნიკები თეთრაძე და კრიალაშვილი დახოცეს, საქართველოში არ ყოფილა დარბევები და ყაჩაღობა, როგორც აშშ-ში! ამის შემდეგ ვინ ვისგან უნდა ისწავლოს დემოკრატია – საქართველომ აშშ-სგან, თუ პირიქით?!

     აშშ-ს საელჩო: „ჩვენ არ შევეცდებით დავფაროთ ჩვენი მტკივნეული ბრძოლა, რადგან გვჯერა, რომ გულწრფელი საჯარო დისკუსია დაგვეხმარება გავხდეთ უკეთესი და უფრო ძლიერი. ფუნდამენტური ღირებულებების განმტკიცება არის გზა, რომლის საშუალებითაც სრულად მივაღწევთ თანასწორობას, შევებრძოლებით დისკრიმინაციასა და უსამართლობას. ჩვენ გვამხნევებს საქართველოსა და მთელ მსოფლიოში, ჩვენი პარტნიორების მხრიდან გამოთქმული წუხილი და მხარდაჭერა“,- ასე მთავრდება საქართველოში აშშ–ის საელჩოს განცხადება.

   არნო ხიდირბეგიშვილი: მადლობა ღმერთს, რომ აშშ-ის საელჩომ პირველად თავისი არსებობის 30 წლის განმავლობაში გააკეთა განცხადება არა საქართველოს, არამედ აშშ-ის შესახებ! პირველად გაისმა სიტყვები არა აშშ-ის მხრიდან საქართველოს მხარდაჭერის შესახებ ”ოკუპანტ რუსეთთან” ბრძოლაში, არამედ საქართველოს მხრიდან ამერიკის მხარდაჭერის შესახებ ამ უკანასკნელისთვის ასეთ მძიმე დღეებში! საელჩოს პირველად არ შეუხსენებია – რა თანხა დახარჯა აშშ-მა საქართველოსთვის, ამის ნაცვლად თვითკრიტიკას მოუნდა! პირველად, დიღმის ციტადელიდან არ გაჟღერებულა მკაცრი მითითებები – რა უნდა მოიმოქმედონ ქართველებმა და გაისმა წუხილის, თუმცაღა, ფარისევლური სიტყვები ჩინოვნიკების პირიდან, რომლებმაც ნახევრად სიმართლის თქმა გაბედეს!

განსაკუთრებით გულის ამაჩუყებელია სიტყვები „ჩვენ არ შევეცდებით დავფაროთ ჩვენი მტკივნეული ბრძოლა…”. და როგორ უნდა დამალოთ ის, რაც უკვე იხილა მთელმა მსოფლიომ ტელეეკრანებზე, ჩვენო თავისშემაქცევარნო?! დამალოთ არა მხოლოდ ქუჩებში „მაღალ კულტურული“ ამერიკელების მასობრივი დანაშაულები, არამედ ისიც, რომ “დემოკრატიული” ამერიკული საზოგადოება მძიმედ დასნეულებულია, ხოლო მისი ხელისუფლება – გაცილებით მეტად?! რადგან მხოლოდ ავადმყოფებს შეუძლიათ მიჩქმალონ სსრკ-ის და უმაღლესი მთავარსარდლის როლი მეორე მსოფლიო ომში ფაშიზმზე დიად გამარჯვებაში!

2020 წლის 8 ივნისი
საქართველო, თბილისი
საქინფორმი