არნო ხიდირბეგიშვილი: Credit Suisse, რომელმაც ივანიშვილი გაქურდა, გერმანელ ნაცისტებსა და ბორმანს ემსახურებოდა

საქართველოში არსებობს მოქალაქეთა სხვადასხვა კატეგორია, რომელთა საქმიანობა ეროვნული ინტერესების წინააღმდეგ არის მიმართული და, შესაბამისად, ისინი წარმოადგენენ პირდაპირ ან არაპირდაპირ საფრთხეს სახელმწიფო უსაფრთხოებისთვის.

ასეთებია, ერთი მხრივ, აქტიური ფიგურები, რომლებიც ევროკავშირსა და აშშ-ს მოუწოდებენ, დაუწესონ სანქციები საქართველოს კანონიერად არჩეულ ხელისუფლებას და მოითხოვენ მის დამხობას ე.წ. რევოლუციის — სახელმწიფო გადატრიალების გზით (ექს-პრეზიდენტი ზურაბიშვილი, ცნობილი რადიკალურ-ოპოზიციური პარტიებისა და არასამთავრობო ორგანიზაციების— უცხოური აგენტების ლიდერები, ასევე „Deep State“— ჟურნალისტების, მეწარმეების, სახელმწიფო ჩინოვნიკებისა და სამხრეებიანი პირების სახით);

მეორე მხრივ კი — პასიური ფიგურები, მაგალითად — შევარდნაძის ხანის ამბიციური ფუნქციონერები, რომლებიც ვერ ამჩნევენ, რომ მათი ინტრიგანული მეთოდები მოძველდა. ამ დაუშოშმინებელი კატეგორიის მავნებლობა იმაში მდგომარეობს, რომ ისინი მუდმივად ცდილობენ ივანიშვილის ყურადღების მიპყრობას, მის ირგვლივ დეზინფორმაციის მჭიდრო რკალს ქმნიან, თუმცა სინამდვილეში შიშით შეჰყურებენ ამ მენტალურად უცხო მილიარდერ-პრაგმატიკოსს. კრეატივისგან დაცლილი ამ წარსულის ნაშიერების ლოზუნგია: „კარგი საქმეებით სახელს ვერ გაითქვამ“, რადგან მათი მთავარი მიზანი ყველა იმ ადამიანის გაშავებაა, ვისაც სახელმწიფოსთვის სარგებელის მოტანა შეუძლია, ეს კი განუყოფლად უკავშირდება ქართული პოლიტიკის წმენდას მათნაირი ინერტული მასალის -ზემონახსენები აქტიური თუ პასიური ცნობადი სახეებისგან.

   ყველა ზემოხსენებულ კატეგორიას აერთიანებს სხვადასხვა დოზით გამოვლენილი რუსოფობია, რადგან ისინი უბრალოდ არ არიან უნარიანნი ისეთი რთული ნაყოფიერი საქმიანობისთვის, როგორიცაა რუსეთის ფედერაციასთან დიპლომატიური ურთიერთობების აღდგენა, სტრატეგიული პარტნიორობის დამყარება და საქართველოს გაერთიანება. მათ აერთიანებთ ინტელექტის უკმარისობა, აშკარა და ლატენტური მორალური უბადრუკობა და სახელმწიფოებრივი აზროვნების სრული არარსებობა. სწორედ ამიტომ, ვერ ხვდებიან, რატომ ცხოვრობდნენ და დაიმარხნენ როგორც ასკეტები ფრანცისკე და სტალინი (რომის პაპის კუბოში ნანახმა ფეხსაცმელებმა გამახსენა გენერალისიმუსის ძველი ჩექმები). ამასთან, მათ აერთიანებთ მწველი სურვილი, გაძარცვონ და მოატყუონ ბიძინა ივანიშვილი, ცდილობენ მის ფონზე თავი მოაწონონ საზოგადოებას. სატელევიზიო ფიგურები თუ კულისებს მიღმა მოთამაშენი, ისინი მალევე ამოწურავენ თავიანთ მწირ „ექსპერტულ“ პოტენციალს“ და ჩანაცვლდებიან სხვებით, მაგრამ ვითარება არ იცვლება — მათი დამსახურებაა, რომ საქმე წინ არ მიდის.

დღეს ისინი ზეიმობენ — ზოგი ღიად, ზოგი კი გულში, რადგან Bloomberg-ის ვერსიით, მმართველი პარტია „ქართული ოცნების“ დამფუძნებელი, მიზნესმენი მილიარდერი ბიძინა ივანიშვილი „გამოვარდა“ (სწორედაც რომ „გამოვარდა“, როგორც წერს მათ კონტროლქვეშ მყოფი მედია) პლანეტის 500 უმდიდრესი ადამიანის რეიტინგიდან 3,6 მილიარდი დოლარის დაკარგვით.

უწინ ამერიკული გამოცემა Forbes იტყობინებოდა ივანიშვილის ქონების მკვეთრად შემცირების შესახებ — 4,9 მილიარდიდან 2,7 მლრდ დოლარამდე. „ფორბსის“ განახლებულ რეიტინგში მას მსოფლიოს მილიარდერებს შორის 1299-ე ადგილი ერგო.

მკითხველს შევახსენებ, რომ 2024 წლის 27 დეკემბერს აშშ-ის ფინანსთა სამინისტრომ ბიძინა ივანიშვილს სანქციები დაუწესა. იგი შეიყვანეს უცხოური აქტივების კონტროლის სამმართველოს (OFAC) SDN სიაში, რაც გულისხმობს მისი აქტივების გაყინვას აშშ-ში, ამერიკელებისთვის მასთან ბიზნესის წარმოების აკრძალვას. ამასთან, გარიგებები ივანიშვილთან დაკავშირებულ კომპანიებთან პირდაპირ არ იკრძალება — სანქციები, კერძოდ, შვეიცარიული ბანკის, Credit Suisse-ის წინააღმდეგ მის სასამართლო პროცესთან დაკავშირებულ ტრანზაქციებს ეხება.

(დღეს კი სუს-ი იძიებს სხვა – ევროპიდან და აშშ–დან ადგილობრივი არასამთავრობო ორგანიზაციებისთვის განხორციელებულ ტრანზაქციებს, რომლებიც საქართველოში  რევოლუციის – სახელმწიფო გადატრიალების ორგანიზაციას ემსახურება).

   ყურედღება! არგენტინის ფედერალური პოლიციის საგარეო საქმეთა სამმართველოს, სახელმწიფო დაზვერვის სამდივნოს (SIDE) და ეროვნული ჟანდარმერიის მიერ 1950-იანი წლებიდან 1980-იან წლებამდე ჩატარებული გამოძიებების შედეგად, არგენტინის მთავრობამ საკუთარ ვებსაიტზე გამოაქვეყნა 1850-ზე მეტი განსაიდუმლოებული საარქივო დოკუმენტი იმ ნაცისტებზე, რომლებიც მეორე მსოფლიო ომის შემდეგ გერმანიიდან არგენტინაში გაიქცნენ. მათი გამოქვეყნების შემდეგ, ამერიკელმა სენატორებმა დაიწყეს გამოძიება შვეიცარული ბანკის Credit Suisse-ის მიმართ, რადგან ის ნაცისტებისა და მათთან დაკავშირებული პირების ანგარიშებს ემსახურებოდა. ვიზენტალის ცენტრის შეფასებით, არგენტინაში 10 ათასამდე ნაცისტი იმალებოდა.

   შესაბამისად, გამოდის, რომ სკანდალურად ცნობილი შვეიცარიული ბანკი Credit Suisse, რომელმაც თავხედურად მიითვისა ბიძინა ივანიშვილის ასობით მილიონი დოლარი ქართველი მილიარდერის წინააღმდეგ ზემოხსენებული ამერიკული სანქციების გამოცხადებამდე ბევრად ადრე, ემსახურებოდა ომის შემდეგ არგენტინაში გაქცეულ 10 ათასამდე ფაშისტს, მათ მეგობრებსა და ნაცნობებს. არადა იმისათვის, რომ დაემტკიცებინა თავისი სიმართლე ამ დანაშაულებრივი საბანკო სტრუქტურის წინაშე, ბიძინა ივანიშვილს მოუწია დამატებით მილიონობით დოლარის დახარჯვა საერთაშორისო სასამართლოებში სამართლებრივ დავებისთვზე!

   ცნობისთვის: არგენტინის მთავრობის მიერ გამოქვეყნებულ დოკუმენტებში ფიგურირებენ შემდეგი პირები: „ჰოლოკოსტის არქიტექტორი“ ადოლფ აიხმანი, რომელიც ისრაელის დაზვერვის ოპერაციის შედეგად გაიყვანეს არგენტინიდან და შემდგომ სიკვდილით დასაჯეს; აუშვიცის „სიკვდილის ანგელოზი“ იოზეფ მენგელე; სს-ის ოფიცრები ერიხ პრიბკე და „ლიონელი ყასაბი“ კლაუს ბარბი; აგრეთვე ხორვატიის ეროვნული მოძრაობა უსტაშების ლიდერი ანტე პაველიჩი; გესტაპოს თანამშრომელი ვალტერ კუჩმანი, რომელმაც არგენტინაში გაქცევის შემდეგ სახელი შეიცვალა და პედრო რიკარდო ოლმოს დაირქვა; ასევე — ნაციონალ-სოციალისტური გერმანიის მუშათა პარტიის კანცელარიის ხელმძღვანელი, ადოლფ ჰიტლერის პირადი მდივანი მარტინ ბორმანი.

   შეკითხვა: რატომ არ ხარობენ ამერიკელები იმით, რომ 2025 წლის აპრილში  მილიარდერ ილონ მასკს ქონება 97.1 მილიარდი დოლარით შეუმცირდა, მაშინ როცა ზემოხსენებული ქართველები ხარობენ იმით, რომ მეცენატმა, რომელმაც საქველმოქმედოდ საქართველოში 3 მილიარდი დოლარი დახარჯა, ზუსტად იმავე დღეებში 3.6 მილიარდი დოლარი დაკარგა? რა სარგებელი აქვთ მათ ამით?! და რა შუაშია ამერიკული სანქციები? განა ილონ მასკის მიმართ გამოცხადდა სანქციები, როგორც ბიძინა ივანიშვილის მიმართ?

   პასუხი ამ შეკითხვაზე მარტივია და სამწუხარო: ქართველი პროვინციელი ნაცისტები, რომლებიც თავს ევროპელებად ასაღებენ — ზუსტად ისე, როგორც გერმანელი ნაცისტები, რომლებიც ფულს შვეიცარიულ ბანკ Credit Suisse-ში ინახავდნენ! — სინამდვილეში ბოლშევიკების იდეური მემკვიდრეები და თანამოაზრეები არიან. ბოლშევიკებს ახარებდათ ექსპროპრიაცია, რადგან მდიდრები მათსავით ღარიბდებოდნენ.

მაგრამ სააკაშვილის ბოლშევიკები მილიონჯერ უარესები იყვნენ, ვიდრე ლენინის ბოლშევიკები, რადგან უკანასკნელები ექსპროპრირებულ ქონებას ურიგებდნენ ღარიბებს (თავად ლეგენდარული კამო, რომელიც პირადად ძარცვავდა ბანკის ეტლებს, სიცოცხლის ბოლომდე ღარიბ საბჭოთა მოხელედ დარჩა). მიშა და მისი მძარცველთა ბანდა კი მდიდრების ქონებას ითვისებდნენ და ღამით, ციხის საკნებში, ნოტარიულად იფორმებდნენ!

   მთელი ქართული ოპოზიცია, რომელიც აღიზარდა სააკაშვილის პარტია „ერთიანი ნაცისტური მოძრაობის“ ნოყიერ ნიადაგზე, ასჯერ უარესია როგორც გერმანელ ნაცისტებზე, ისე ბოლშევიკებზე, რადგან თავად არ შეუძლიათ მატერიალური ღირებულებების შექმნა და სძულთ ისინი, ვინც ამას აკეთებს!

   ქართველი პროვინციელი ნაცისტები პატარკაციშვილს სპეციალურად არქმევდნენ „არკადის“ და მოკლეს — აქაოდა, ერთი რუსით და ოლიგარქით ნაკლები იქნებაო! დღეს ისინი ივანიშვილს „ბორისს“ ეძახიან იგივე მიზნით. არ არის ეს ის მიზეზი, რის გამოც ზურაბ წერეთლის დაკრძალვაზე თბილისში ძალიან ცოტა ხალხი მივიდა? რა არის ეს, თუ არა პროვინციალური ნაციზმი?!

   მითხარით, გეთაყვა, ბევრ ქართველს ახსენდება დღეს, „არკადიასთან“ გავლისას, პატარკაციშვილის საქველმოქმედო საქმეები? სადმე სხვაგან მსოფლიოში განა ასე სძულთ საკუთარი მდიდარი ნიჭიერი თანამემამულეები — იმის ნაცვლად რომ ამაყობდნენ მათით?! რა არის ეს, თუ არა ბოლშევიზმი?!

   P.S.

  ზურაბ წერეთლის დაკრძალვაზე, რომელის პანაშვიდი მოსკოვში ქრისტე მაცხოვრის ტაძარში სამეფო პატივით გაიმართა, მცირერიცხოვანი დამსწრეების ნახევარი იქ იმისთვის კი არ მისულა, რომ დიდი ქართველი თანამემამულისა და ქველმოქმედისთვის პატივი მიეგო, არამედ იმისთვის, რომ თავი წარმოეჩინა.…

არნო ხიდირბეგიშვილი,
საინფორმაციო-ანალიტიკური სააგენტო „საქინფორმის“ გენერალური დირექტორი და მთავარი რედაქტორი, უშიშროების, სტრატეგიული ანალიზისა და საინფორმაციო პოლიტიკის ცენტრის დირექტორი

30.04.2025
საქართველო, თბილისი