არნო ხიდირბეგიშვილი: გადაჯიშებულები (საქართველო და ევროპა ხასიათებით ვერ შეეწყვნენ)

 რაკიღა „ქართული ოცნების“ თავმჯდომარემ, ირაკლი ღარიბაშვილმა გადაწყვიტა შეულამაზებლად ეთქვა სრული სიმართლე – რომ საქართველო არ არის მზად ევროკავშირის წევრი გახდეს, ევროკავშირი კი მზად არ არის მიიღოს საქართველო, ხოლო როდესაც მზად იქნება, უცხოელი აგენტების შესახებ კანონიც შეიძლება გაუქმდეს, მაგრამ მანამდე, აქაოდა, კიდევ ბევრი წყალი ჩაივლისო – მეც ორიოდე სიტყვით გავიმეორებ ყველაფერს, რასაც ინტერვიუებში ვთქვი და პუბლიკაციებში დავწერე.

1 – უცხოელმა აგენტებმა საქართველოში – რადიკალურმა ოპოზიციამ, ექსტრემისტულმა NGOებმა და მათმა ტელეკომპანიებმა – კოლექტიური დასავლეთისგან მილიონობით ტრანში მიიღეს „ხავერდოვანი რევოლუციის“ განსახორციელებლად – „პრორუსული „ქართული ოცნებისა“ და მისი ლიდერის, რუსი ოლიგარქი ბიძინა ივანიშვილის შესაცვლელად, რომლებმაც უარი თქვეს რუსეთის წინააღმდეგ ეკონომიკური სანქციების გამოცხადებაზე და რუსეთის წინააღმდეგ „მეორე ფრონტის“ გახსნაზე“;

2 – „ქართული ოცნების“ ხელისუფლებამ მათ დაასწრო, მოახდინა რა პროტესტის პროვოცირება უცხოელ აგენტებსა და ჰომოსექსუალურ პროპაგანდაზე კანონპროექტების ინიცირებით, რითაც ქართველი ხალხის უმრავლესობის მხარდაჭერა დაიმსახურა. აღსანიშნავია, რომ პირველი კანონი – მხოლოდ დეკლარაციული ხასიათისაა. კი არ ზღუდავს უცხოელი აგენტების უფლებებს, არამედ უბრალოდ ლუსტრაციას უკეთებს მათ;

3 – ხელისუფლებამ მიაღწია შემდეგ მიზნებს, ა – გამოავლინა ოპოზიციის პოტენციური შესაძლებლობები და დაითვალა თავისი მტრები, ბ – ქართველ ხალხს აჩვენა საქართველოს დასავლელი „პარტნიორებისა და მეგობრების“ ნამდვილი სახე. კანონის მესამე მოსმენით მიღების შემდეგ მიიღწევა ხელისუფლების მესამე, ყველაზე მნიშვნელოვანი მიზანი – ტრანშების ნაკადი, რომელიც უახლოეს დღეებში უნდა შემოსულიყო და გაგრძელებულიყო 26 ოქტომბრის არჩევნებამდე (და მას შემდეგაც!) შეჩერდება, რადგან ისინი ოფიციალურად მოხვდება ქართული სპეცსამსახურების ყურადღების არეალში.

ასე რომ, საქართველოსა და ევროპას შორის არ გამოვიდა ქორწინება არც სიყვარულით და არც ანგარებით – ხასიათებით ვერ შეეწყვნენ, ხოლო ყველაფერზე, რაც ამ დღეებში რუსთაველის გამზირზე მოხდება, პასუხისმგებელია ქართველი საზოგადოების ყველაზე ამაზრზენი ავადმყოფი ნაწილი, რომელსაც ერთი ტევადი სიტყვით ჰქვია – გადაჯიშებული.

არნო ხიდირბეგიშვილი,
„საქინფორმის“ გენერალური დირექტორი და მთავარი რედაქტორი,
უშიშროების, სტრატეგიული ანალიზისა და საინფორმაციო პოლიტიკის ცენტრის დირექტორი

2024 წლის 21 აპრილი
საქართველო, თბილისი