არნო ხიდირბეგიშვილი: გახარია პუტჩისტებს ერდოღანივით ან მაკრონივით უნდა მოექცეს!


 

    2003 წელს "ვარდების რევოლუცია" უსისხლოდ განხორციელდა რუსეთის და არა სააკაშვილის წყალობით, მაგრამ დღეს რუსეთი არ ჩაერევა, ასე რომ, საქართველომ უნდა მიბაძოს თურქეთსა და საფრანგეთს, - განაცხადა ორშაბათს ტრადიციულ ინტერვიუში საქინფორმის მთავარმა რედაქტორმა არნო ხიდირბეგიშვილმა.

ბატონო არნო, თბილისში შემაშფოთებელი მოვლენები, როგორც ვხედავთ, არ მცირდება - პირიქით, ისინი მოედო ზოგიერთ რეგიონსაც. გაერთიანებულ ოპოზიციასსააკაშვილის თანამოაზრეების ხელმძღვანელობით, შეუერთდა ახალი ახალგაზრდული მოძრაობები "შეცვალე" და "გაბედე", სევე ბანკირი ხაზარაძის ახალი პარტია "ლელო". რამდენად საშიშია სახელმწიფოსთვის დესტაბილიზაციის ეს დონე? იმ აგრესიული ფორმებ შემყურე, რომლებშიც გამოიხატება პროტესტი, ასევე არაკონსტიტუციური მოთხოვნები და ხელისუფლების შეცვლის ღია მოთხოვნები, მინდა გითხრათ, რომ მეზობლებთან - რუსეთში, აზერბაიჯანსა და სომხეთში - მათ ამდენს არ აპარპაშებდნენ... მაშ, ნუთუ ეს კვლავ არის ხელისუფლების "ხავერდოვანი" გადაცემის შეთანხმებული „ფერადი“ სცენარი, როგორც 2003 წელს, როდესაც შევარდნაძემ უდრტვინველად დაუთმო სააკაშვილი-ჟვანია-ბურჯანაძის "რევოლუციურ ტროიკას"?

-ის, რომ ზუსტად 16 წლის წინ "ვარდების რევოლუცია" განხორციელდა შედარებით უსისხლოდ და არ გადაიზარდა კიევურ „მაიდანში“, არა სააკაშვილის, არამედ რუსეთის დამსახურებაა, საქართველოში ჩამოსული უშიშროების საბჭოს მაშინდელი ხელმძღვანელის იგორ ივანოვის სახით. დღეს რუსეთის ჩარევის იმედი აღარაა. როგორც არაა "რევოლუციის" მესამე ლიდერი ზურაბ ჟვანია, ერთადერთი, ვისაც შეეძლო მოსკოვისთვის შუამავლის როლის შესრულება ეთხოვა.

სხვა განსხვავებებიც არსებობს - სააკაშვილი დისტანციურად მართავს და "ქართული მარშის" ლიდერის სანდრო ბრეგაძის სრულიად სანდო ინფორმაციით, გასულ პარასკევს მან Skype-ში საშინლად გალანძღა თავისი "ფეხის ბიჭები" თბილისში - ვაშაძე, ბარამიძე, ბოკერია, უგულავა და სხვები - აქაოდა, თქვე უმაქნისებო, აქამდე როგორ ვერ შეძელით პოლიციის პროვოცირება არათუ სისხლისღვრაზე - არამედ თუნდაც ერთ ცემა-ტყეპასა ან სხეულის დაზიანებაზე! საპასუხოდ, ფეხის ბიჭები არ შეწინააღმდეგებიან - არ შეკამათებიან, თუმცა გულში ფიქრობდნენ - აქაოდა, შენთვის იოლია იქიდან, კიევური აპარტამენტებიდან განკარგულებების გაცემა, და ჩვენ რატომ უნდა გავრისკოთ საკუთარი ტყავით? რომ შენ მზამზარეულზე ჩამოხვიდე?!

2003 წელთან შედარებით დანარჩენი ანტურაჟიც უბადრუკია: რევოლუციონერები ძალიან ცოტაა და ხალხი სძულს ისინი; ნიჭიერი ჟვანიას ნაცვლად - გუბოზ სანიკიძე, რომელიც „მთელი გზა“ „ეროვნული ეჭირა“ და გუშინწინ სააკაშვილთან გაფრინდა ბადრი პატარკაციშვილის მოღალატე ვალერი გელბახიანთან ერთად; მოძრაობა "კმარას" ნაცვლად ცუდად გაწვრთნილი მოქრთამული ახალგაზრდებისგან შემდგარი მოძრაობები - "გაბედე" და "შეცვალე"; ვარდების ნაცვლად - ბოქლომები, რომლებსაც "რევოლუციონერები" სახელმწიფო დაწესებულებებზე კიდებენ; და სააკაშვილთან დაბრუნებული "რკინის" ნინო, რომელიც 10 წლის განმავლობაში თავს პრორუსად იკატუნებდა, დღეს კი გაბრაზებულია ივანიშვილზე, რომელმაც მას მოსკოვთან ურთიერთობის "ექსკლუზიური უფლება" ჩამოართვა - მისი დახმარების გარეშე აღადგინა სავაჭრო, სატრანსპორტო და ჰუმანიტარული ურთიერთობები რუსეთთან და არ დანიშნა იგი სპეცწარმომადგენლად ზურაბ აბაშიძის ნაცვლად!

მაგრამ პარტია "პატრიოტთა ალიანსი", რომლის ლიდერებიც მოსკოვში სტუმრობდნენ არა ბურჯანაძესავით მარტო, არამედ მთელი საპარლამენტო დელეგაციით, ხომ ბევრად უფრო აქტიურია რუს კოლეგებთან კონტაქტების დამყარების მცდელობაში! და არ აქვს მნიშვნელობა, რომ მოლაპარაკებებიდან არ არსებობს რაიმე ხელშესახები შედეგები და რომ მათი დელეგაციის ერთ-ერთი წევრი - ნატო ჩხეიძე დღეს სააკაშვილის მხარეზე გადავიდა. მნიშვნელოვანია, რომ "პატრიოტებს" ჰყავთ ელექტორატი, რომელიც ბურჯანაძეს არ ჰყავს, მაშ, რატომ არ შედის მათთან კოალიციაში, თუ მართლა ზრუნავს საქართველოს ბედსა და რუსეთ-საქართველოს ურთიერთობებზე?

- ალბათ იმიტომ, რომ ამბიციურმა ქალბატონმა ნინომ ერთიან წინასაარჩევნო სიაში მოითხოვა პირველი ადგილები - თავისთვის და თავისი პარტიის წევრებისთვის, ანუ იმავე მიზეზით, რის გამოც წაეჩხუბა პრეზიდენტ სააკაშვილს 2008 წლის საპარლამენტო არჩევნების წინ. უფრო მეტიც, დანამდვილებით ვიცი, რომ კონსულტაციები ამ თემაზე, მაგრამ არა ბურჯანაძის ინიციატივით, უკვე იყო და „პატრიოტთა ალიანსმა“ ბურჯანაძეს გაერთიანება და ერთობლივად მოქმედება შესთავაზა, მაგრამ მან არარეალური პირობები წამოუყენა, დღეს კი საერთოდ პოლიტიკური "ჰარაკირკი" გაიკეთა! ასე რომ, მორჩა, ” Bella Ciao”-დან დარჩა მხოლოდ ”Ciao” ​​...

და დასავლეთი რას აკეთებს? დასავლეთი დღეს ზეწოლას ახდენს "ქართული ოცნების" ხელისუფლებაზე, მოითხოვს მის გადადგომას, ოგორც მაშინ - შევარდნაძისა და "მოქალაქეთა კავშირს", თუ არა? " რა არ მოსწონთ ივანიშვილის პროდასავლური ხელისუფლების?

- არ ვიტყოდი, რომ მეტისმეტ ზეწოლას ახდენს, თუმცა ზოგიერთი დასავლეთელი ელჩი, მაგალითად, ევროკავშირის ელჩი კარლ ჰარცელი, ძველ შეცდომას უშვებს ხელისუფლების კრიტიკით და ოპოზიციასთან კონსენსუსისკენ მოწოდებით, რითაც თუნდაც არა უნაკლო ხელისუფლებას უთანაბრებს უმაღლესი კატეგორიის დამნაშავეებს, რომელთაც საყოველთაო სახალხო მსჯავრი გამოუტანეს! ისინი სააკაშვილსაც ბოლო დღემდე "დემოკრატიის შუქურას" უწოდებდნენ და მხოლოდ მაშინ ჩაჩუმდნენ, როდესაც შს მინისტრმა ღარიბაშვილმა მათ მიხეილ სისხლისმსმელის ბრძანებით ჩადენილი არაადამიანური წამების ამსახველი ათობით ათასი ვიდეო ფაილი უჩვენა!

და, ზოგადად, საკმარისია გარეთ დამნაშავეთა ძებნა - ”ბოქლომების რევოლუცია” არ მოხდება, თუ დღევანდელი ხელისუფლება ამას თავად არ მოისურვებს.

 - ჩვენ კვლავ დავუბრუნდით იმ თემას, რომლითაც ჩვენი ინტერვიუ დავიწყეთ: ოპოზიცია კეტავს დედაქალაქის მთავარ მაგისტრალებს, ჯაჭვიან ბოქლომებს კიდებს მთავარ სამთავრობო დაწესებულებებზე და მოითხოვს ვადამდელ საპარლამენტო არჩევნებს პროპორციული სისტემით, ისი განხორციელებაც შეუძლებელია კონსტიტუციის დარღვევის გარეშე. დაზავებაზე ოპოზიცია, ანუ სააკაშვილი კატეგორიულ უარს ამბობს, რას უნდა ველოდოთ?

- ჩვენი საუბრის დასაწყისში თქვენ თქვით, რომ მეზობელ რუსეთში, აზერბაიჯანსა და სომხეთში ასეთ მომიტინგეებს დიდხანს არ აპარპაშებდნენ, მაგრამ განა რომელიმე სხვა შემდგარ სახელმწიფოში სახელმწიფო გადატრიალების განმახორციელებელ პუტჩისტებს თავზე ხელს გადაუსვამდნენ, როგორც ეს საქართველოში ხდება?! მაგალითისათვის მოვიყვან ორ ქვეყანას, რომელთაგან პირველი, შეიძლება ითქვას, არის აღმოსავლეთის, ხოლო მეორე - დასავლეთის სიმბოლო: თურქეთის პრეზიდენტმა ერდოღანმა შეიპყრო გიულენის ასობით ათასი პუტჩისტი და დაუმეგობრდა რუსეთს, რითაც იხსნა თავისი ქვეყანა და პრეზიდენტად დარჩა; საფრანგეთის პრეზიდენტი მაკრონი სასტიკად არბევდა "ყვითელი ჟილეტების" აქციებს და განაცხადა, რომ "ნატო-ს ტვინის სიკვდილი აქვს. რუსეთის გარეშე კი უსაფრთხოების ახალი არქიტექტურის შენება შეუძლებელია", რითაც იხსნა თავისი ქვეყანა და პრეზიდენტად დარჩა. აი რატომ უნდა მოექცეს პრემიერ-მინისტრი გახარია პუტჩისტებს ერდოღანივით ან მაკრონივით, თუ საქართველოს გადარჩენა სურს! და ამისათვის, პირველ რიგში, აუცილებელია უარი თქმა ორმაგ სტანდარტებზე, რომლებიც კანონით არ არის დადგენილი.

იცით, რა მკითხა ახლახან "ქართული მარშის" ზემოხსენებულმა ლიდერმა სანდრო ბრეგაძემ? რატომაა, რომ როდესაც "ქართული მარში" ან ვასაძის მომხრეები კინოთეატრი "ამირანის" პიკეტირებას ახდენდნენ, ეს ძალადობაა, და პარლამენტისა და მთავრობის შენობების პიკეტირება მშვიდობიანი დემოკრატიული აქცია?! ერთი წუთით წარმოიდგინეთ, რომ "ქართული მარში" ან რომელიმე პატრიოტული ძალა უზენაეს საკანონმდებლო ორგანოს მიახლოვებოდა ჯაჭვებითა და საკეტებით და მისი ფუნქციონირების დაბლოკვა ეცადა! რას უზამდნენ მათ?! ციხეში გამოამწყვდევდნენ, ხოლო აქციას სასტიკად დაარბევდნენ! მაშ, რატომ არის ხელშეუხებელი ნაციონალ-ლგბტ-ლიბერალ-ბოკერიელების კასტა?!

გულზე ხელი დავიდოთ და ვთქვათ - განა ბრეგაძე მართალი არ არის?! რატომ უყურებდნენ ჩვენი შვილები ტერორისტ მაჩალიკაშვილის ბინძური კარვების ქალაქს, ტრადიციული საახალწლო ნაძვის ხის ნაცვლად, და წელს დიდი ალბათობით იხილავენ სააკაშისტების, "რესპუბლიკელების", "დაუნ ვი დიქტეიტესა" და მათ შვილების გეი- შაბაშს?! რატომაა. რომ საქართველოში ყოველდღე (ბოლოჯერ - გასულ პარასკევს) დასავლეთელი სპონსორების ფულით ტარდება კონფერენციები მითიური რუსული პროპაგანდის წინააღმდეგ ბრძოლის მეთოდებზე, თუმცა არავინ არასდროს დაინტერესებულა, საიდან აქვს „რუსთავი 2”-დან გამოგდებულ ნიკა გვარამიას იმდენი ფული, რომ მეორე დღესვე ქმნის ახალ ტელეკომპანიას „მთავარ არხს“, რომელიც მაუწყებლობს სრულად, და ასევე ატარებს ანტისახელმწიფოებრივ დივერსიულ პროპაგანდისტულ კამპანიას და არის რევოლუციის"რუპორი", როგორც „რუსთავი 2“ „ვარდების რევოლუციის" დროს?! ესაა - მილიონები სააკაშვილისგან, ხაზარაძისგან, თუ იმ ფულიდან, რომელიც გვარამიამ „რუსთავი 2-დან“ მოიპარა? და რატომ რთავენ ოპოზიციას უცხოეთში საქართველოს იმიჯის გაფუჭების ნებას და არ აძლევენ პასუხისგებაში სამშობლოს ღალატისათვის?!

რას ურჩევდით ხელისუფლებას მოცემულ მომენტში, გარდა იმისა, რაც უკვე თქვით?

- უპირველეს ყოვლისა, შეწყვიტეთ მაზოხიზმი - და მოღალატეების დააფინანსება, მაღალ პოსტებზე დანიშვნა და სიებში ჩართვა, ისინი ხომ მეორე დღესვე გიღალატებენ - „ქართულ ოცნებას“ აქვს უნიკალური მწარე გამოცდილება ამ კუთხით! მეორე - სასწრაფოდ შეაჩერეთ ლარის ვარდნა და მავნე რეგულაციების დაწესება, რამაც გამოიწვია სიგარეტის, ბენზინის ფასის ზრდა, ასევე დროებით გააუქმეთ ჯარიმები და პარკირების საფასური და სამჯერ შეამცირეთ ვიდეოჯარიმები. „მეოცნებეებო“, ნუ შეამცირებთ თქვენს ელექტორატს ხელოვნურად - თითოეული, თქვენ მიერ დაჯარიმებული, ვინც ბავშვისთვის სახლში ლუკმაპური ვერ მიიტანა, თქვენი ოპონენტების ამომრჩეველი ხდება! საბჭოთა კავშირი ნაციონალიზმს კი არ დაუნგრევია”, - სამართლიანად შენიშნა პუტინმა გასულ კვირას, -არამედ ძალიან არაეფექტურმა ეკონომიკურმა პოლიტიკამ, რომელიც ფაქტობრივად, კოლაფსი გამოიწვია სოციალურ სფეროში და პოლიტიკურ სფეროში პროლონგირებული შედეგები ჰქონდა”, - აი რას არ ითვალისწინებს საქართველო ხელისუფლება და, შესაბამისად, რისკავს საბჭოთა ხელისუფლების ბედის გაზიარებას! ასე რომ, ხელისუფალნო, ყურადღება მიაქციეთ ეკონომიკას და დააპურეთ ხალხს, და არა პირიქით - ამოიღეთ ხელი ჩვენი ჯიბეებიდან და იქიდან ნუ იპარავთ სიგარეტს, წამლებსა და პურს!

და მესამე - ყველას ესმის, რომ პროპორციული არჩევნების მოთხოვნა მხოლოდ საბაბია, ნამდვილი მოთხოვნები "რესპუბლიკელმა" ბერძენიშვილმა გასულ კვირას გამართულ მიტინგზე გაახმაურა, ისინი სამია:

1. საქართველო არის ეროვნული, რელიგიური და სექსუალური უმცირესობების ქვეყანა;

2. საქართველო უნდა გაწევრიანდეს ნატოში;

3. საქართველოში უნდა გახსნას აშშ-ს სამხედრო ბაზა.

ქართველ ხალხს აინტერესებს - ეთანხმება თუ არა ხელისუფლება ოპოზიციის სამივე მოთხოვნას? თუ - დიახ, მაშინ რა მიზეზის გამოა გაწევ-გამოწევა, ბატონებო?!

-დიდი მადლობა ინტერვიუსთვის, ბატონო არნო, და იმედი მაქვს, რომ თქვენს ნათქვამს გაიგონებენ.

ესაუბრა მაია ჯავახიშვილ
2019 წლის 25 ნოემბერი
საქართველო, თბილისი